მინერალი

ინგ. Mineral

განსაზღვრული ქიმიური შემადგენლობისა და კრისტალური აღნაგობის მქონე მყარი ბუნებრივი სხეული, რომელიც დედამიწის ქერქში ან მის ზედაპირზე მიმდინარე ფიზიკურ-ქიმიური პროცესების პროდუქტია. ბუნებაში 4000-ზე მეტი მინერალი არსებობს. ხოლო, მინერალების შემსწავლელ მეცნიერებას მინერალოგია ეწოდება.

მინერალი გარეგნულად შეიძლება წარმოდგენილი იყოს მრავალწახნაგოვანი სხეულის, კრისტალის, სახით. ცალკეულ მინერალებს მათთვის დამახასიათებელი ფორმა გააჩნიათ: ქვამარილს (NaCl) – ჰექსაედრის (კუბის); კვარცს (SiO2) – ექვსწახნაგა პრიზმის; და სხვა.

წყარო: გეოლოგიის საფუძვლები; გურამ ღონღაძე, მარიამ ახალკაციშვილი.