ქანი

ინგ. Rock

მინერალთა ბუნებრივი აგრეგატი, რომელიც წარმოიქმნება დედამიწის ქერქში ან მის ზედაპირზე მიმდინარე გეოლოგიური პროცესების შედეგად. ქანი შეიძლება შედგებოდეს ერთი ან რამდენიმე მინერალისგან. მონომინერალური ანუ ერთმინერალიანი ქანია მარმარილო, კვარციტი და სხვა. პოლიმინერალურ ანუ მრავალმინერალიან ქანებს მიეკუთვნება გრანიტი, ანდეზიტი და სხვა. წარმოშობის მიხედვით არსებობს: 1. მაგმური, 2.დანალექი, და 3.მეტამორფული ქანები. დედამიწის ზედაპირის 75% აგებულია დანალექი ქანებით და მხოლოდ 25% უკავია მაგმურ და მეტამორფულ ქანებს.

წყარო: გეოლოგიის საფუძვლები; გურამ ღონღაძე, მარიამ ახალკაციშვილი.