რუბრიკის „საუბრები მდგრადი განვითარებაზე“ ფარგლებში დაგეგმილი მეორე შეხვედრა მიეძღვნა კლიმატის ცვლილების საერთაშორისო პოლიტიკას და ამ მიმართულებით საქართველოში მიმდინარე პროცესებს. აღნიშნულ საკითხებზე ისაუბრა გარემოს დაცვისა და სოფლის მეურნეობის სამინისტროს კლიმატის ცვლილების სამმართველოს ხელმძღვანელი მაია ცხვარაძე.
შეხვედრის ორგანიზატორია პლატფორმა Sustainability.ge, რომელიც ხელს უწყობს მდგრადი განვითარების შესახებ საზოგადოების ცნობიერების ამაღლებას.
საუბრების მხარდამჭერია ბიზნეს საკონსულტაციო კომპანია GEC, რომლის მიზანია კომპანიების მდგრადი განვითარება და ცვლილებების წარმატებული დანერგვა.
შეხვედრა გაიმართა შაბათს, 24 აპრილს, 16:00-ზე, Sustainability.ge-ის Facebook გვერდზე, Live რეჟიმში.
